2011年7月28日 星期四

合理要求男友的50個條件 (2011 年版)

合理要求男友的50個條件

係時候要更新下自己了~一方面睇下自己的要求有冇改變, 另一方面可要了解下自己

1)唔准同任何年齡無血緣關係既女性打情罵俏兼細聲講大聲笑。(尤其是當住我面)

2)我咬你個陣唔准縮。

3)我唔會check你行蹤但你最好不時主動向我會報。

4)你個手機裡面只可以有幾個女人既相:你媽媽、我同你D親生姊妹。

5)唔好俾我見到你著住有好大撻污積既野上身。

6)我明白每個人都有過去,你會有舊情人既相呀信呀禮物呀衫呀野呀腳毛呀痕跡呀,但係唔好係我面前飄揚,有咩爛左唔好怪我。

7)我鍾意收小禮物,所以你要識做

8)每日唔打一次電話俾我都唔該send個短訊俾我,因我會掛住你。

9)你要俾我知你去左邊,唔係我要check你行蹤,只係如果新聞話有人失蹤 or 死無全屍 or 死到面目全非,我要知道係唔係你。

10)我地未必可以一生一世,但希望你同我一齊既時候,每一刻都對我認真。

11)我鍾意既手袋牌子係 chanel、 mui mui 、prada、coach、chole同agnes b

12)你心裡面諗咩,一定要同我講,因為我好蠢,你唔同我講我唔會知。

13)我去dating你叫我玩得開心D既話,我會以為你唔愛我唔緊張我唔想要我;但我向你報告定時,亦請你唔好吃醋。

14)我鍾意男朋友買香水俾我。(只要50ml裝或以上)

15)我希望你會記得所有大時大節生日同紀念日,我唔會提亦會扮大方,但唔代表我想你失憶。

16)唔好企圖或意圖用「中五妹妹仔姐……」黎做藉口安慰我,我唔會睇小妹妹仔既威力,因為我都曾經年輕過。(老女人如是)

17)我好鍾意買鞋。如果你打算買鞋俾我,記得唔好買錯尺碼。(最好同我一齊揀,你俾錢)

18)唔准對我講大話。(lying在我黎講係一大禁忌)

19)如果真係要出去滾, 就要曉得番屋企。(這代表你不再愛我..我會唔出聲, 但我是知道的我會傷心的)

20)除非D食物好美味,否則我唔多想去一間任何一張椅冇椅背既餐廳。( e 方便我又無乜所謂...唔好食到肚痛就ok 架la)

21)出街一定要同我並排行,仲一定要拖住我。

22)我超揀飲擇食,所以食咩你話事,你拿唔到主意我都可以話事,不過揀甜品既主導權一定係歸我。

23)如果我遲到,都只係因為我想著靚D見你,所以你唔好話我。

24)你最好唔好有一大堆女性朋友同契妹之類既不明物體係身邊氹氹轉黎刺激我,否則我可以不花分毫黎證明俾你睇我都有一籮男性朋友同契哥加uncle及daddy。

25)我係一個會話人既淑女,你最好忍耐一下。

26)食飯時記得夾餸俾我。

27)我唔排除要你幫我去快餐店或便利店等換公仔。 ( e 個机會會細d , 但係都唔排除

28)你買首飾俾我就最好去連鎖店買。(即係有brand既唔該,相信quality會好D,我驚會敏感)

29)鑽石、寶石同珍珠等,我永遠都唔會嫌多。

30)我會想你同我一齊揀Lingerie,你唔需要面紅。

31)我唔會問你我靚唔靚(因為我知我唔靚),你最好諗定第二樣野黎讚我。

32)我鍾意食清淡D同唔係太熱辣辣既野,印度food實唔岩我胃口。(我條脷係貓脷)

33)我知道你冇可能每秒鐘都掛住我,但係如果你全日都冇諗起我,我會好驚。

34)如果你著到成個板仔或MK Guy咁樣同我出街,我會面青。

35)如果你鬧我,我一定扁咀。(斷估男人唔會打女人卦)

36)你要留意新野幾時出,同埋用過話好先買俾我。(記得要做埋我本人肉使用指南)

37)記得要多D同我既父母social,因為我同佢地關係唔係咁好,要靠你去修補。

38)Shopping時可以分道揚鑣,但你唔好又要企我隔離又要黑面一臉不奈煩。

39)我好樂意同你行你鍾意既舖頭,你唔需要怕會悶親我,我會自得其樂。(但就唔好要我陪你落機鋪,我會窒息而死)

40)唔好要我陪你睇足球。(我唔係運動白痴,足球我真的麻麻地)

41)行入便利店我只會買某D種類飲品:任何果汁溝茶同cc lemon。(唔知揀咩好時一定首選道地apple green teeth)

42)唔好批評我既好朋友,因為我同佢地共過患難,唔係酒肉朋友。

43)我承認我係一個膚淺兼貪靚既人,我既日常讀物係時裝美容雜誌,你唔高興既我會隊本《中國正史》俾你睇。

44)我唔介意你望靚女,介意既係有筍野睇你都唔嗌埋我一齊睇。

45)如果你見到我望住本《飲食男女》兩眼發光,你可以留意下係邊間餐廳,唔太貴既就帶我去試下。 ( e 個机會我又係細d , 因為我好少睇忽然一周)

46)我鍾意去茶餐廳食野,但係如果大時大節紀念日生日時都係去茶餐廳,我會發火。

47)我喊既時候,你一定要氹番我,因為我只會係好傷心好傷心既時候先喊。

48)你做野既時候,我會自己搵野做,你唔需要擔心我。

49)你最好有一首只係屬於我既電話鈴聲。

50)如果你冇開口講,我都為你去改變,咁代表我係真心鍾意你,請你珍惜。

2 則留言:

  1. 哈哈哈
    我都記得呢篇野

    等我幾時得閒都學妳咁整個update版先~

    回覆刪除
  2. 你都整得几快, 我篇野係你度copy 出黎的-,-

    回覆刪除