過左咁多年， 唔知道仲有無人睇我呢個BLOG ，仲有係度就留言SAY個HI啦！
差唔多真係有十年八年無更新過 ，以後我會多D更新自己的近況，過去呢八年間 ，我覺得自己長大左 點為之大個左呢？
就係⋯⋯
少左以前的任性同執著 ；多左責任感同承擔。
希望自己會同身邊嘅朋友一齊進步同埋可以過到自己想過嘅生活。
依加嘅生活好開心、好幸福， 因為心態唔同左，而且更加搵到自己嘅內在。
記得早年前 ，有一條友同我懶係野咁發表過：
拍拖嘅用意 ，唔係觀察對方岩唔岩自己 ，而是在拍拖嘅過程入邊了解自己。當時覺得醍醐灌頂，但係再諗深一層，就覺得係渣男換畫嘅好大借口。
到左現在，我已經明白佢嘅意思，不是完全岩晒， 而我更加悟到更多。
除左了解自己之外 ，仲要在有自己舒服的情況下共同成長、磨合；從而一齊進步至靈魂伴侶先至係成個拍拖嘅意義。
所以你地話 ，我係咪真係成長左好多呢？
今日就吹到呢度啦 ，記得留意我個BLOG啦！
