2009年4月30日 星期四

唉...真係做唔到..

愈黎愈發覺...我男朋友應承左我ge 野無一樣係可以完完全全咁樣做得到lor...

點解......就好似...跟本就無諗過要同我結婚...應承左同我一齊儲錢,因為驚住自己洗腳唔抺腳,所以一出糧就會即該交俾我做佢ge 財政大人....... 到左今日出糧一個仙都無俾過我help 佢儲lor....我日前仲提佢出糧就好俾我la,佢仲好似無左件事咁...仲好唔情願咁話得la...

雖然俾$$我唔係奉旨......但係我覺得..你做ng 到你就唔好應承人la...咁你仲可以俾到乜野信心我a??乜都無lor...

而我...對我屋企人..我出糧ge 第一日..就會禁錢番屋企...主要原因唔係為左交家用而俾$$,而係俾到屋企人一份信心,同埋應承左几時俾到要做得到lor.....

如果係都要三吹四請先做...咁我寧願唔要lor...大佬.....咁唔意願交俾我管,之前就唔好口响响應承la...到到人地黎追....乜真係唔覺得自己有慚愧架咩?如果真係無ge 話...咁我就唯有承認...我係男朋友心目中ge地位係几咁低lor.....

一.係我男朋友太自私...
二.係我太有責任感....
兩個人跟本來自兩個世界...從來都唔夾.........也都無人為對方去改變...
結果咪兩日一小吵...三日一大吵....問題永遠存在...直至分手lor....


另外..我老細又係令我不知所措ge事,之前佢話公司想請人...請人個方面想搵番我shcool ge 畢業生...叫我至負責collect 佢地ge cv..之後同我一齊去in 佢地...所以..我几busy 都好..我已經把佢地send黎ge cv 同相..group 好左係一個file 度.....整整齊齊,毎次有新ge carreer 我都會cc 俾佢....只係佢一直都無回應几時會通知interview..

但係今日我竟然收到一個電話:內容係話今日有另一個人代表左公司去同佢地做左個interview,wa..我真係覺得好好笑lor...你叫我做個d 野..我好負責咁做好左....但係原來搵左人去interviewer ,我竟然係唔知架lor...我真係覺得好不被尊重lor..竟然係咁ge 話不如以后老細講咩我都聽完就算la....反正唔知几時搵左人去代替左我我都唔知架la...我仲可以點姐.....

老細大晒架ma.....所以..唔洗旨意我會做好e 份工lor

1 則留言:

  1. 男朋友既事... 插妳都係咁話架喇:

    「一早話左妳架啦!」

    妳記唔記得妳上次懷疑男朋友有another gal個次, 嗌交後同我講, 妳諗到計點對付妳男朋友, 我斬釘截鐵同妳講, 管理財政係唔work架! 佢點會俾份糧妳先? 佢係咁有錢咁有骨氣既就唔會去酒店開房都要女人俾錢啦!!! (AA制我都覺得衰, 唔俾錢既簡直連豬狗都不如!)

    咁... 妳天真夠未呀??? 人地下巴輕輕, 講乜都係當食生菜, 妳仲要拖落去呀??? 不過我都知, 我講乜妳都唔會醒架啦... 除非對方提出分手先架姐. 但人地有個人肉櫃員機, 又點會提出分手呀, 散左先至笨七.

    咁妳係咪想拖到自己人老珠黃, 一無所有, 婚又結唔成, 想搵過個男朋友都唔得既地步先滿意??? 試想象下, 到個陣, 妳只會係一個怨婦, 怨眼前既男人害妳浪費寶貴既青春. 但其實到個陣, 問題又唔完全出係佢身上, 佢又唔完全錯得曬. 因為妳自己都有責任架. 人人都有得揀, 但就係妳自己唔依家去揀過第二個, 佢有咩咁值得妳拖落去呢? 唔通佢俾左疆屍茶包過妳飲?

    妳呢D唔係叫長情, 係叫戇居! 女人既青春好有限既咋, 男人就唔同, 搵伴侶係唔需要靠青春. 但妳唔再青春貌美, 就真係好難返轉頭, 不如趁依家後生, 換畫啦!

    唔試過, 就真係唔知下個或者下下個好唔好(妳可以有好多下一個), 乜都未試過, 到頭來, 做人會好唔甘心架. 換左唔成功, 都叫試過, 衰左都甘心D呀. 而且我就唔信, 搵多幾個男朋友, 就無一個會比依家個好! (依家個衰到貼地, 要搵個好過佢既, 會有幾難? (我相信一個泊車仔都會比佢更愛護女朋友)

    妳俾條生路自己行下啦, 唔好去到一個萬劫不復既地步呀.


    嗌妳切實咁分手都講到我口臭...

    回覆刪除